التأمل اليومي: الجمعة 8-1-2010
الموضوع:  الحق نرحب بك عزيزي المستمع في هذه الفقرة اللي كتدور على اش كيقول الكتاب المقدس. اليوم بغينا نشوفوا اش كيقول الكتاب المقدس على الحق. اشنو هو الحق، وكلمة حق آش كتعني في الكتاب المقدس؟ الكتاب المقدس حين يتكلم على الحق او حين يذكر الحق راه كيقصد الأمانة والصدق واليقين الثابت والثقة الراسخة. هذا المعنى راه ظاهر في كلام المسيح اللي مرات كثيرة كان يبدأ كلامه بالقول: الحق، الحق نقول لكم باش يأكد للي كانوا يسمعوه على انه غادي يقول ليهم الصدق اللي ما فيه كذوب… بمعنى آخر، اللي غادي يقول ليهم راه شيء مؤكد وأنه هو نفسه على يقين  100 بال 100 … بمعنى كلامه راه صحيح وثابت وما فيه شك. على داك الشي حين بغى المسيح يأكد شي حقيقة ثابتة كان يقول: الحق الحق نقول لكم. وهذه الآن شي آيات اللي استعمل فيها المسيح كلمة الحق نقول لكم، اسمع آش قال …

الْحَقَّ أَقُولُ لَكُمْ … اللي ما يَقْبَلُ شي مَلَكُوتَ اللهِ مثل وَلَدٌ صَغِيرٌ عمره ما يدخل ليه … نُقولُ لَكُيمْ الحق، أنه اذا تَرَكَ شي واحد داره او زوجته وأولاده وخوته ووالديه مِنْ أَجْلِ مَلَكُوتِ اللهِ، راه غادي ينال فِي هَذَا الزَّمَانِ ضعف اللي ترك، وَفِي الزَّمَانِ الآتِي غادي ينال الْحَيَاةَ الأَبَدِيَّةَ … نقول ليكم الْحَقَّ، العقاب كله غادي يَنْزِلُ على ِهَذَا الْجِيلِ … الْحَقَّ نَقُولُ لَكُيمْ، ما يزول هذا الجيل حَتَّى توقع كل الأُمُورُ اللي قلت ليكم … الْحَقَّ الْحَقَّ نقُولُ لَكُمْ، حتى عَبْدٌ ما هو أَعْظَمَ مِنْ سَيِّدِهِ، وَحتى رَسُولٌ ما أَعْظَمَ مِنْ اللي أرسلهِ … ونقول ليكم الحق، أن اللي يَقْبَلِ الّلي نُرْسِلُهُ يَقْبَلْنِي وَاللي يَقْبَلْنِي انا يَقْبَلْ الله اللي أَرْسَلَنِي … الْحَقَّ الْحَقَّ نقُولُ لَكُمْ، إِنَّ اللي يآمن بي يَعْمَلُ الأَعْمَالَ الَّلي أَنَا كنعمل، ويَعْمَلُ أَعْظَمَ مِنْهَا، لأَنِّي ذَاهِبٌ إِلَى أَبِي … الْحَقَّ الْحَقَّ أَقُولُ لَكُمْ، إِنَّ الآبَ سَيُعْطِيكُمْ كُلَّ مَا تَطْلُبُونَ مِنْهُ بِاسْمِي.

هنا عزيزي المستمع نشوفوا كيف المسيح خدم كلمة الحق كصدق واثبات على صحة كلامه. ويخبرنا السيد المسيح بأن إسم الحق راه إسم من اسماء الله، وراه اسم من اسماء الروح القدس. والحق راه ايضا اسم من اسماء المسيح فالله هو الحق، والروح القدس هو الحق والمسيح هو الحق. بالنسبة للروح القدس يقول عليه: الروح القدس َهُوَ رُوحُ الْحَقِّ، الَّذِي لاَ يَقْدِرُ الْعَالَمُ أَنْ يََقَبَّلَهُ لأَنَّهُ لاَ يَرَاهُ وَلاَ يَعْرِفُهُ، وَأَمَّا أَنْتُمْ فَتَعْرِفُونَهُ لأَنَّهُ فِي وَسَطِكُمْ، وَسَيَكُونُ فِي دَاخِلِكُمْ. وَحين يجي الروح القدس، الَّلي غادي نرسل ليكم من عند الله أبوناِ، رُوحُ الْحَقِّ الّلي يَنْبَثِقُ مِنَ الله الآبِ، فَهُوَ يَشْهَد لِي… وحين يجيكم رُوحُ الْحَقِّ، هو اللي غادي يُرْشِدُكُمْ إِلَى الْحَقِّ كُلِّهِ، لأَنَّهُ ما يَقُولُ حتى شَيْئ مِنْ عِنْدِهِ، لكنهْ يُخْبِرُكُمْ بِاللي يَسْمَعُُ وَيُعلمكم باللي غادي يصير… ونقول ليكم الحق، الأَفْضَلِ لَكُمْ نمشي عند الآب، لأَنِّي اذا ما مشيت شي ما يجيكم شي الْمُعِينُ، روح الحق. نفهموا من هذا عزيزي المستمع أن الروح القدس راه هو الحق… والمسيح راه حتى هو الحق، على داك الشي قال على نفسه ما يلي: أَنَا هُوَ الطَّرِيقُ وَالْحَقُّ وَالْحَيَاةُ، حتى واحد ما يجي عند الله الآب إِلاَّ بِي. وبالنسبة لله… كان يصلي، وخاطب الله وقال في صلاته… َالْحَيَاةُ الأَبَدِيَّةُ هِيَ أَنْ يَعْرِفُوكَ أنك أَنْتَ الإِلهَ الْحَقَّ وَحْدَكَ… في هذه العبارة يمكن لينا نذركوا ان الله هو الحق، على داك الشي كنسميوا أولادنا عبد الحق والمقصود عبد الله… الحق هو الله.

عزيزي المستمع، را احنا في بداية سنة جديدة ومن صاب لو كل واحد منا يصمم يكون صادق وما يتكلم غير بالحق وباللي هو حق، يتكلم بالصدق وما يكذب شي، لأن الكذوب راه خطية وكيجي من الشيطان… على داك الشي قال المسيح على الشيطان: ان إبليس كذاب وأبو كل كذاب… هنا بغيت نشجعك باش تكون صادق، تكلم الحق وخلي كلامك يكون نعم نعم أو لا لا… على أي حال، نودعك الآن مع هذا التأمل ونتمنى نتلاقى بك في حلقة أخرى من آش كيقول الكتاب المقدس. دمت في رعاية الله … الى اللقاء.