الإنجيل بالدارجة المغربية ـ كورنتوس الأولى 11: 23-26

قراءة من الإنجيل بالدارجة المغربية
كورنتوس الأولى 11: 23-26
23 حِيتْ دَاكْشِّي اللِّي خْدِيتْ مْنْ الرَّبّْ عْطِيتُو لِيكُمْ تَانِي، بْاللِّي الرَّبّْ يَسُوعْ فْاللِّيلَة اللِّي سَلّْمُوهْ فِيهَا، خْدَا الْخُبْزْ 24 وْشْكَرْ اللَّهْ وْقَطّْعُه وْݣَالْ: «هَادَا هُوَ الدَّاتْ دْيَالِي، اللِّي غَنْعْطِيهَا عْلَى قْبَلْكُمْ. دِيرُو هَادْشِّي بَاشْ تّْفَكّْرُونِي». 25 وْهَكَّا دَارْ بْالْكَاسْ حْتَّى هُوَ مْنْ بَعْدْ الْعْشَا وْݣَالْ: «هَادْ الْكَاسْ رَاهْ هُوَ الْعَهْدْ الجّْدِيدْ بْالدّْمْ دْيَالِي، دِيرُو هَادْشِّي وَقْتْمَا شْرَبْتُو بَاشْ تّْفَكّْرُونِي». 26 حِيتْ كُلّْمَا كْلِيتُو هَادْ الْخُبْزْ، وْشْرَبْتُو هَادْ الْكَاسْ، رَاكُمْ كَتْخَبّْرُو بْمُوتْ الرَّبّْ حْتَّى يْعَاوْدْ يْجِي.