الإنجيل بالدارجة المغربية ـ بطرس الأولى 1: 22-25

قراءة من الإنجيل بالدارجة المغربية
بطرس الأولى 1: 22-25
22 وْمْلِّي طْعْتُو الْحَقّْ، نْقِّيتُو نْفُوسْكُمْ وْوْلَّاتْ عَنْدْكُمْ مْحَبَّةْ الْخُوتْ اللِّي مَا فِيهَا نِفَاقْ، إِيوَا بْغِيوْ بْعْضِيَّاتْكُمْ بْمْحَبَّة قْوِيَّة مْنْ كُلّْ قَلْبْكُمْ. 23 رَاكُمْ تّْوْلَدْتُو مْنْ جْدِيدْ مَاشِي مْنْ زْرِّيعَة كَتْفْنَى، وَلَكِنْ مْنْ زْرِّيعَة مَا كَتْفْنَاشْ، هِيَ كْلْمَةْ اللَّهْ الْحَيَّة اللِّي كَتْبْقَى عْلَى الدّْوَامْ. 24 عْلَاحْقَّاشْ كْتَابْ اللَّهْ كَيْݣُولْ: «النَّاسْ كُلّْهُمْ بْحَالْ الرّْبِيعْ وْالْعَزّْ دْيَالْهُمْ بْحَالْ نُوَّارْ الرّْبِيعْ. الرّْبِيعْ كَيْيْبَسْ وْالنُّوَارْ دْيَالُه كَيْطِيحْ، 25 وَلَكِنْ كْلْمَةْ الرَّبّْ كَتْبْقَى تَابْتَة عْلَى الدّْوَامْ». وْهَادْ الْكْلْمَة هِيَ الْإِنْجِيلْ اللِّي تْخَبّْرْتُو بِيهْ.