الإنجيل بالدارجة المغربية ـ بطرس اللولى 2: 1-9

قراءة من الإنجيل بالدارجة المغربية
بطرس اللولى 2: 1-9
1 إِيوَا رْمِيوْ عْلِيكُمْ ݣَاعْ الْخُبْتْ وْݣَاعْ الْخْدِيعَة وْالنِّفَاقْ وْالْحْسَدْ وْالْهَضْرَة فْالنَّاسْ، 2 وْبْحَالْ الدّْرَارِي اللِّي عَادْ تّْزَادُو، تّْشْهَّاوْ الْحْلِيبْ الرُّوحِي الصَّافِي بَاشْ تْكَبْرُو بِيهْ وْتْنْجَاوْ، 3 إِلَا كْنْتُو دْقْتُو شْحَالْ الرَّبّْ مْزْيَانْ. 4 قَرّْبُو لْعَنْدُه، رَاهْ هُوَ الْحَجْرَة الْحَيَّة اللِّي مَا بْغَاوْهَاشْ النَّاسْ، وَلَكِنْ خْتَارْهَا اللَّهْ وْهِيَ غَالْيَة عَنْدُه. 5 إِيوَا كُونُو حْتَّى نْتُمَ بْحَالْ الْحْجَرْ الْحَيّْ اللِّي غَيْتّْبْنَى بِيهْ بِيتْ اللَّهْ الرُّوحِي، وْكُونُو رْجَالْ الدِّينْ مْقَدّْسِينْ بَاشْ تْقَدّْمُو دْبَايْحْ رُوحِيَّة مْقْبُولَة عَنْدْ اللَّهْ بْيَسُوعْ الْمَسِيحْ. 6 وْكِيفْ مْكْتُوبْ فْكْتَابْ اللَّهْ: «هَانِي كَنْحَطّْ فْصِهْيَوْنْ الْحَجْرَة دْيَالْ السَّاسْ الْغَالْيَة اللِّي خْتَارِيتْهَا، وْكُلّْ مْنْ تَاقْ فِيهَا عَمّْرُه مَا غَيْنْدَمْ». 7 وْهَادْ الْحَجْرَة رَاهَا غَالْيَة عَنْدْكُمْ نْتُمَ اللِّي كَتْآمْنُو، وَلَكِنْ عَنْدْ اللِّي مَا كَيْآمْنُوشْ، «رَاهْ الْحَجْرَة اللِّي مَا بْغَاوْهَاشْ الْبْنَّايَا، هِيَ اللِّي وْلَّاتْ حَجْرَةْ السَّاسْ». 8 وْمْكْتُوبْ عَاوْتَانِي فْكْتَابْ اللَّهْ: «هِيَ الْحَجْرَة دْ الْعَتْرَة، وْالصَّخْرَة اللِّي كَتْطِيّْحْ». وْحِيتْ هَادْ النَّاسْ مَا طَاعُوشْ كْلَامْ اللَّهْ، هَادْشِّي اللِّي غَيْجْرَا لِيهُمْ. 9 وَلَكِنْ نْتُمَ رَاكُمْ سُلَالَة خْتَارْهَا اللَّهْ، وْجْمَاعَة مَلَكِيَّة دْ رْجَالْ الدِّينْ، وْأُمَّة مْقَدّْسَة، وْشَعْبْ دْيَالْ اللَّهْ، خْتَارْكُمْ بَاشْ تْخَبّْرُو بْالْأَعْمَالْ الْعْظِيمَة، دْيَالْ هَادَاكْ اللِّي خَرّْجْكُمْ مْنْ الضّْلَامْ لْلنُّورْ دْيَالُه الْعْجِيبْ.


هل تريد معرفة الله بطريقه أفضل؟ إتصل بنا لنساعدك

أسمك الكريم *

بريدك الإلكتروني *

العنوان

رسالتك *

* مطلوب


إتصل بنا من خلال تطبيق الواتساب على هذا الرقم 0034608266238