الإنجيل بالدارجة المغربية _ تسالونيكي اللولى 5: 12-28

قراءة من الإنجيل بالدارجة المغربية
تسالونيكي اللولى 5: 12-28
12 آ الْخُوتْ، كَنْطْلْبُو مْنّْكُمْ بَاشْ تْحْتَرْمُو اللِّي كَيْخَدْمُو بِينَاتْكُمْ فْالْكْنِيسَة وْاللِّي مْسْؤُولِينْ عْلِيكُمْ فْالرَّبّْ وْكَيْنَبّْهُوكُمْ، 13 حْتَرْمُوهُمْ بْزَّافْ وْبْغِيوْهُمْ عْلَى وْدّْ الْخْدْمَة دْيَالْهُمْ. عِيشُو فْالْهْنَا مْعَ بْعْضِيَّاتْكُمْ. 14 وْكَنْطْلْبُو مْنّْكُمْ آ الْخُوتْ بَاشْ تْنَبّْهُو الْمْعْݣَازِينْ، وْتْشَجّْعُو اللِّي كَيْخَافُو، وْتْعَاوْنُو الْمْحْتَاجِينْ، وْتْصَبْرُو مْعَ ݣَاعْ النَّاسْ. 15 رْدُّو بَالْكُمْ بَاشْ حْتَّى وَاحْدْ مَا يْجَازِي لَاخُرْ عْلَى الشَّرّْ بْالشَّرّْ، وَلَكِنْ بْغِيوْ دِيمَا الْخِيرْ لْبَعْضِيَّاتْكُمْ وْلْݣَاعْ النَّاسْ.
16 كُونُو دِيمَا فْرْحَانِينْ، 17 دَاوْمُو عْلَى الصّْلَاة، 18 شْكْرُو اللَّهْ كِمَا بْغَا يْكُونْ الْحَالْ، حِيتْ هَادَا هُوَ مُرَادْ اللَّهْ لِيكُمْ نْتُمَ اللِّي فْالْمَسِيحْ يَسُوعْ. 19 مَا تْطْفِيوْشْ الرُّوحْ الْقُدُسْ، 20 مَا تْحْتَقْرُوشْ كْلَامْ النُّبُوَّاتْ. 21 جَرّْبُو كُلّْشِي، وْشْدُّو فْالْحَاجَة الْمْزْيَانَة. 22 بَعّْدُو عْلَى كُلّْ حَاجَة كَتْشْبَهْ لْلشَّرّْ.
23 وْإِلَاهْ الْهْنَا بْرَاسُه يْقَدّْسْكُمْ، وْيْحْفَضْ رُوحْكُمْ وْنْفْسْكُمْ وْدَاتْكُمْ، بَاشْ تْكُونُو بْلَا لُومْ مْلِّي يْرْجَعْ رَبّْنَا يَسُوعْ الْمَسِيحْ. 24 وْرَاهْ هَادَاكْ اللِّي كَيْعَيّْطْ لِيكُمْ أَمِينْ وْغَيْوْفِي بْكْلْمْتُه.
25 آ الْخُوتْ، صْلِّيوْ مْنْ جِهْتْنَا.
26 سَلّْمُو عْلَى الْخُوتْ كُلّْهُمْ بْبُوسَة مْقَدّْسَة. 27 وْرَانِي كَنْرْغَبْكُمْ فْإِسْمْ الرَّبّْ بَاشْ تْقْرَاوْ هَادْ الرِّسَالَة عْلَى ݣَاعْ الْخُوتْ.
28 وْالنِّعْمَة دْيَالْ رَبّْنَا يَسُوعْ الْمَسِيحْ تْكُونْ مْعَاكُمْ.

Some video courtesy of http://www.MotionWorship.com


هل تريد معرفة الله بطريقه أفضل؟ إتصل بنا لنساعدك

أسمك الكريم *

بريدك الإلكتروني *

العنوان

رسالتك *

* مطلوب


إتصل بنا من خلال تطبيق الواتساب على هذا الرقم 0034608266238