الإنجيل بالدارجة المغربية _ يوحنا 12: 12-19

قراءة من الإنجيل بالدارجة المغربية
يوحنا 12: 12-19
12 وْالْغَدّْ لِيهْ، سْمْعَاتْ الجّْمَاعَة دْ النَّاسْ اللِّي جَاوْ يْدَوّْزُو عِيدْ الْفِصْحْ، بْلِّي يَسُوعْ جَايْ لْأُورْشَلِيمْ. 13 وْهُمَ يَاخْدُو الجّْرِيدْ دْ النّْخَلْ وْخَرْجُو بَاشْ يْتّْلَاقَاوْهْ، وْكَانُو كَيْݣُولُو بْصُوتْ عَالِي: «الْعَزّْ لْلَّهْ! مْبْرُوكْ اللِّي جَايْ بْإِسْمْ الرَّبّْ! مْبْرُوكْ مَلِكْ إِسْرَائِيلْ!». 14 وْلْقَا يَسُوعْ وَاحْدْ الدّْحْشْ وْهُوَ يْرْكَبْ عْلِيهْ، كِمَا جَا فْكْتَابْ اللَّهْ اللِّي كَيْݣُولْ:
15 «مَا تْخَافِيشْ آ بَنْتْ صِهْيَوْنْ:
هَا هُوَ الْمَلِكْ دْيَالْكْ جَايْ،
رَاكْبْ عْلَى دْحْشْ وَلْدْ حْمَارَة».
16 فْاللّْوّْلْ مَا فَهْمُوشْ تْلَامْدُه هَادْ الْأُمُورْ، وَلَكِنْ مْلِّي تّْعْطَى الْعَزّْ لْيَسُوعْ، عَادْ تْفَكّْرُو بْلِّي هَادْشِّي كَانْ تّْݣَالْ عْلِيهْ فْكْتَابْ اللَّهْ، وْبْلِّي هُمَ دَارُو هَادْشِّي نِيتْ عْلَى وْدُّه. 17 وْالجّْمَاعَة دْ النَّاسْ اللِّي كَانُو مْعَ يَسُوعْ مْلِّي عَيّْطْ عْلَى لِعَازَرْ مْنْ الْقْبَرْ وْبَعْتُه مْنْ الْمُوتْ، كَانُو كَيْشَهْدُو بْدَاكْشِّي اللِّي شَافُو. 18 عْلَى هَادْشِّي خَرْجُو النَّاسْ بَاشْ يْتّْلَاقَاوْهْ حْتَّى هُمَ حِيتْ سْمْعُو عْلَى هَادْ الْعَلَامَاتْ اللِّي دَارْهَا. 19 وْهُمَ يْݣُولُو الْفْرِّيسِيِّينْ لْبَعْضِيَّاتْهُمْ: «شُوفُو رَاكُمْ مَا تْنَفْعُو حْتَّى فْحَاجَة. هَا هُمَ النَّاسْ كُلّْهُمْ تْبْعُوهْ!».

Some video courtesy of http://www.MotionWorship.com


هل تريد معرفة الله بطريقه أفضل؟ إتصل بنا لنساعدك

أسمك الكريم *

بريدك الإلكتروني *

العنوان

رسالتك *

* مطلوب


إتصل بنا من خلال تطبيق الواتساب على هذا الرقم 0034608266238